This is an example of a HTML caption with a link.

Мэдээ мэдээлэл

МЭДЭГДЭЛ

2020 оны 02 дугаар сарын 10-ны өдөр

     Сүүлийн үед цахим сүлжээгээр Нийгмийн даатгалын сангийн мөнгөн хөрөнгө  Капитал банкинд байршиж байсан талаар ташаа мэдээлэл гарч байгаатай холбогдуулан энэхүү мэдэгдлийг гаргаж байна. 


Т.БАТМӨНХ: Хүүхэд асрах чөлөөтэй эхчүүд 26250 төгрөгөөр буюу хөнгөлттэй нөхцөлөөр даатгуулж болно
Шинээр мөрдөгдөж эхэлсэн нийгмийн даатгалтай холбоотой хуулийн талаар  Нийгмийн даатгалын ерөнхий газрын дэд дарга Т.Батмөнхтэй ярилцаж зарим асуудлыг тодрууллаа.

Ирэх сараас тэтгэврийн хэмжээ нэмэгдэнэ
Засгийн газрын 2020 оны 01 дүгээр сарын 22-ны өдрийн 24 дүгээр тогтоолоор цэргийн болон нийгмийн даатгалын сангаас олгож  байгаа 500.0 мянга хүртэлх төгрөгийн тэтгэврийг инфляцийн түвшинтэй уялдуулан 30.0 мянга, 500.0 мянга ба түүнээс дээш төгрөгийн тэтгэврийг 25.0 мянган төгрөгөөр нэмэгдүүлэхээр шийдвэрлэсэн.

Д.Зоригт: Зургаан сая төгрөгөөс доош зээлтэй байсан ахмадууд тэтгэврээ бүрэн авч эхэлсэн
Тэтгэвэр барьцаалсан зээлийн төлбөрийг нэг удаа төлөх арга хэмжээ хэрэгжиж, тэтгэвэр авагчид ам сайтай байна. Тус хуулийн хэрэгжилтийн талаар НДЕГ-ын дарга Д.Зоригтоос тодрууллаа.

ТӨВ АЙМГИЙН НИЙГМИЙН ДААТГАЛЫН ХЭЛТЭС 2019 ОНД СУРГАЛТ СУРТАЛЧИЛГААНЫ ТАЙЛАН

Нийгмийн даатгалын хэлтсээс төв орон нутагт нийгмийн даатгалын багц хуулийн хэрэгжилтийг хангах, иргэд даатгуулагчид, ажил олгогчдод цахим нийгмийн даатгалын үйлчилгээний ач холбогдлыг сурталчлан таниулах, нийгмийн даатгалын хамралтыг нэмэгдүүлэх чиглэлээр сургалт сурталчилгааны ажлыг төлөвлөгөөний дагуу зохион байгуулан ажиллаа.


“НИЙГМИЙН ДААТГАЛ” аппликэйшнийг баталгаажуулахад илүү хялбар боллоо
Бүртгэл баталгаажуулах төвөгтэй алхмуудаас болоод “Нийгмийн даатгал гар утасны аппликэйшн”-аа ашиглаж чадахгүй яваа юм биш биз? Та одоо бүртгэлээ өөрөө баталгаажуулаарай. Өөрийн ажиллаж байсан газар, нийгмийн даатгалын шимтгэл тооцсон цалингийн дүнгээ мэдэж байхад л хангалттай. Аппликэйшний хэрэглэгч болох энгийн алхмуудыг тайлбарлая.

“Нийгмийн даатгалын шимтгэл төлөлтийн талаарх тодорхойлолт” -ыг шалгах боломжтой боллоо
Нийгмийн даатгалын ерөнхий газрын даргын тушаалаар 2018 оныг “Цахим үйлчилгээг хөгжүүлэх жил” болгон зарласантай холбогдуулан тус газрын дэргэдэх Мэдээллийн технологийн төвөөс даатгуулагч иргэд, ажил олгогч, харилцагч байгууллагуудад нийгмийн даатгалын үйлчилгээг үнэн зөв, шуурхай хүргэх зорилгоор Төрийн үйлчилгээний цахим /ТҮЦ/ машинаас авсан “Нийгмийн даатгалын шимтгэл төлөлтийн талаарх тодорхойлолт”-ын бодит байдлыг гуравдагч этгээд шалгах зориулалт бүхий вэб програм хангамжийг бэлтгэн нэвтрүүлж байна. 

Хэлтэс тоон гарын үсэг олгоно

Цахим монгол хөтөлбөрийн хүрээнд төрийн үйлчилгээг цахимжуулах ажлын хүрээнд ХУР, ДАН системүүд нэвтрэн иргэдэд хаанаас ч ямар ч цаг хугацаанд төрийн үйлчилгээг хүргэх, авах боломжийг бий болгох Засгийн газрын зорилт арга хэмжээнүүд хэрэгжиж байгаа билээ. Уг арга хэмжээний хүрээнд нийгмийн даатгалын бүтээгдэхүүн үйлчилгээг цахимжуулах ажлын хүрээнд салбарын хэмжээнд багагүй ажлыг үр дүнд хүргэн ажиллаж байгаа билээ. Үүний нэг нь баялаг бүтээгчдээс Нийгмийн даатгалын шимтгэл төлөлтийн тайланг тоон гарын үсгээр хаанаас ч илгээх, хүлээн авах, баталгаажуулах ажил юм. Тус ажлыг хүрээнд аймгийн ажил олгогч нарт тоон гарын үсгийг хэлтсээр гэрээлэн олгох ажлыг "МОНПАСС"ХХК-тай хамтран хэрэгжүүлэхээр гэрээ байгуулан мэдээллээ солилцон ажиллаа. Гэрээлэн олгох тоон гарын үсгээр аймгийн ажил олгогчид НДШимтгэл төлөлтийн тайлан, татвар, тендер гэх мэт өргөн цар хүрээтэй ашиглагдах тоон гарын авч ашиглах цаг заваа хэмнэх илүү дэлгэрэнгүй мэдээлэл авч болох боломжийг бид бүхэн бүрдүүлэн ажиллаж байна. Тоон гарын үсгээ 11 сараас эхлэн олгож эхэлнэ. Тоон гарын үсэг авч үйл ажиллагаандаа шинэ дэвшилтэд технологи нэвтрүүлэх, цахимжуулах, цаг заваа хэмнэх ажил олгогч, баялаг бүтээгч та бүхнийг бидэнтэй хамтран ажиллахыг урьж байна.

Дэлгэрнгүй мэдээллийг:99170520 99738200 утсаар лавлана уу.

 

 


Ахмад буурлууддаа хүндэтгэл үзүүллээ
Жил бүрийн 10 сард тохиох олон улсын Ахмадын баярын өдрийг тохиолдуулан Хөдөлмөр нийгмийн хангамжийн хэлтэс, Эрүүл мэндийн даатгал, Нийгмийн даатгал хэмээх үе үеийн бүтэцэд нийгмийн даатгалын ажил үйлчилгээг үзүүлж байсан ахмад буурлуудаа хүлээн авч хүндэтгэл үзүүллээ. Байгууллагаас өнөөгийн нийгмийн даатгалын чиглэлээр хийж хэрэгжүүлж буй ажил үйлчилгээ, хамрах хүрээ, олсон ололт амжилтаа ахмад буурлууддаа танилцууллаа. Цаашид ахмад буурлуудтайгаа хэлтсийн ахмадын зөвлөлөөр дамжуулан эргэх холбоо, хамтын ажиллагаагаа улам сайжруулан ахмад руу чиглэсэн олон арга хэмжээг хамтран зохион байгуулан ажиллахаар болсоноо илэрхийллээ.

Нийгмийн хамгааллын салбарын байгууллагууд хамтран ажиллаа

Засгийн газар болон Хөдөлмөр, нийгмийн хамгааллын салбарын эрхлэх асуудлын хүрээнд үйл ажиллагаагаа олон нийтэд сурталчлах, нийгмийн даатгалын байгууллагаас иргэд, даатгуулагчдад үзүүлж буй бүтээгдэхүүн үйлчилгээ түүний хүртээмж ач холбогдлыг таниулах зорилгоор харьяа байгууллагуудтай хамтран Зуунмод сумын Мөнх-Алдарын талбайд нээлттэй хаалганы өдөрлөгийг 2019 оны 09 дүгээр сарын 20-21 хооронд зохион байгуулан ажиллаа. Нийгмийн даатгалын хэлтэс, ХХҮГазар иргэдэд зөвлөгөө мэдээлэл хүргэн төрийн үйлчилгээг шууд хүргэн ажилласан бол ГБХЗХГазраас нөлөөллийн ажлыг зохион байгуулан ажиллаа. Хэлтсээс Зуунмод сумын ЕБСургууль, МСҮТөвүүдийн сурагч оюутнуудад “Даатгалтай ирээдүй” төвлөрсөн зах худалдааны төвүүдээр “Нийгмийн даатгалын явуулын үйлчилгээ”-г хүргэн ажиллаа. Суманд тариалан, хадлангийн талбай болон томоохон ААН-ийн ажлын байранд нээлттэй хаалганы өдөрлөгийг хамтран зохион байгуулж үйл ажиллагааг сурталчлан ажиллаа. Үйл ажиллагаагаа сурталчлах өдөрлөгийн арга хэмжээнд нийт 2013 иргэд даатгуулагч хамрагдлаа.